十二星座春日浪漫之旅

十二星座春日浪漫之旅

星座春日浪漫

想同另一半浪漫一下，一個富有格調同氣氛的地方就一定唔少得，想知邊處至能夠令你同另一半留下甜蜜又難忘的回憶，就等卜卜星同你卜一卜啦！

白羊座

白羊熱愛大自然，到郊外拮雞翼燒o野食就至o巖佢地啦，到時最緊要大獻慇勤，燒多幾隻雞翼俾佢食，咁佢就自然會食到個心甜絲絲啦！

金牛座

頗有潮流觸覺的金牛，去行街街的話就當然系尖沙咀、銅鑼灣依D地方啦，但系成日去去到爛曬咁點算呢？一於去InternetCafe上網兼歎茶，包你與伴侶會有個難忘的愛情新體驗。

雙子座

雙子咁鍾意睇戲，睇戲就當然系指定節目啦，但如果你同佢睇完戲之後分享一下大家對電影的觀點同睇法的話，肯定令佢對你更加欣賞。系邊度做"戲"後檢討？最佳的地點就是對方的家。

巨蟹座

巨蟹好想去日本，不過話去就去咩！所以好多時都系得個諗字，系未去日本前，不妨同佢去多些有日本Feelo既地方，又或者食多幾次日本菜啦，不過就要小心荷包大減磅喎！

獅子座

消遣其實除了唱K落Bar，仲有好多好地方可以去o架。球場系另一個增進感情的好地方，壁球同網球都繫好的選擇，獅子咁好動，打波就o巖曬佢地喇。

處女座

處女想要的浪漫好簡單，因為佢地覺得只要同愛侶一齊就已經心滿意足，所以得閒就多D陪佢行海旁吹吹風啦，不過最近經常落雨，常備雨傘就唔洗怕。

天秤座

天秤其實都幾懶，又懶懶閒唔多願周圍行，遠些少o既地方都唔繫好願去，所以最理想o既蒲點就系佢地自己屋企，當然要浪漫就要花D心思啦，不妨親自下廚，等你地可以有個既驚喜又難忘的晚上啦。

天蠍座

一向都習慣簡單直接的天蠍，對於太過花巧造作o既o野佢地都唔多鍾意，所以最緊要系投其所好，對症下藥，佢地一般都好鍾意食，所以最佳消遣就系陪佢地食通街，四圍搵o野食。

射手座

想開開心心、浪浪漫漫咁食番餐，其實唔一定要去法國餐廳o既，何不試試去避風塘一嘗地道風味十足的小菜，包你同佢都可以享用一頓歡愉的晚餐。

摩羯座

沙灘一直以來都系拍拖聖地，從未因為年代轉變而動搖過其地位。正所謂橋唔怕舊，對於摩羯來說，沙灘始終系一個理想的拍拖地方，想令摩羯有個難忘約會的話就識做啦。

水瓶座

水瓶好嚮往悠閒憩靜的氣氛和感覺，系露天茶座慢慢享受咖啡，自由自在談天說地，對他們來說可謂最好不過，所以想同水瓶傾訴心事，談情說愛的話就要搵間夠格調的咖啡店啦。

雙魚座

貪玩愛刺激系雙魚的特點，那麼他們至愛的地方在何處？當然系繽紛好玩的遊樂場啦，如果想去足全日的話可以去海馬公園，而時間冇咁多的話就可以選擇冒險樂常