十二星座感興趣的話題是什麼？

十二星座感興趣的話題是什麼？

星語連綿

有說"酒逢知己千杯少，話不投機半句多"，想同佢情話連綿，甚至雞啄唔斷的話，就要識得搵D共同話題傾喇，今次就等卜卜星同你分析一下各星座的不同特性，咁就唔怕同佢冇o野好傾啦！

白羊座

白羊天生八八卦卦，乜都講一餐。同佢地傾偈就唔多需要怕會冇話題，最怕反而系唔小心講錯說話，所以你還是做個好好的聆聽者較為有利。

金牛座

金牛習慣把自己的理想常掛口邊，所以不難聽到佢地如何對人說怎樣去實踐其大計。不過你聽還聽，千萬唔好胡亂加意見或加以批評，否則只會落得被離棄的下常

雙子座

雙子的事業心都幾強，佢地不時會把事業上的種種或對事業上的期望掛在口邊，如果你想討佢歡心的話，就要將你自己表現得像個背後的支持者才行了。

巨蟹座

巨蟹相識滿天下，又鍾意關心朋友和樂於助人，所以佢地o既話題總離不開身邊的友人，他們會因某位朋友的一些喜事而樂足半天，亦會因朋友的煩惱事情而變得憂慮重重，所以從這方面入手就唔怕同佢冇話題啦！

獅子座

不斷在生活上求突破的獅子，時刻都想著如何去改變平淡如水的生活，你若能找到些關於刺激新奇的話題的話，佢就自自然然會找你傾偈，一同尋找生活的樂趣。

處女座

不善理財的處女，經常先洗未來錢，搞到財政緊拙，有時間不妨和他慢慢坐低傾o下如何理財，又或傾o下儲錢大計。

天秤座

天秤熱愛旅遊，熱愛四處遊歷，一聽到邊處好玩邊處風景如畫就雀躍萬分，一於同佢分享一下旅遊的經歷和趣事吧！定會令你同佢會講到天黑都唔願停。

天蠍座

天蠍最喜愛收藏小玩意，如果同佢地傾偈傾到苦冇話題的話，就不妨拿他的喜好的收藏物(如史諾比)做話題吧！相信這樣做定能打破沉悶的氣氛。

射手座

扮靚健美之道系射手頗關心的一環，同佢地分享美容或者KeepFit之道就適合不過，你仲可以系研究減肥健美o既同時趁機約佢出o黎做運動或者做Gym添！

摩羯座

摩羯緊貼潮流脈膊，好多潮流新玩意佢地都會留意，要同佢地傾得o巖Feel就要投其所好，不過千祈唔好扮專家呀，否則只會惹佢反感，扮唔識咁去請教佢地就實無死喇。

水瓶座

水瓶習慣觀人於微，而且生活上的點點滴滴佢地都會留意，同佢地分享一下生活上的種種事情就最好不過。此舉不但可以瞭解他的日常生活，亦可從中瞭解其生活圈子，實在一舉兩得。

雙魚座

平日被工作逼得喘不過氣的雙魚，回到家時已經疲倦萬分，搞到經常同情人傾電話時心不在焉，冇o黎心機，如果你能好好關心一下他的話，一定令他甜在心頭的。